منيسى******
عدد المساهمات : 127
نقاط : 10578
السٌّمعَة : 2
تاريخ التسجيل : 22/12/2010
العمر : 28
الموقع : http://www.arabic-military.com/
 |  موضوع: أشعار الثورة الشاعر عماد محمد سالم الجزء 2 الإثنين مارس 14, 2011 4:13 pm | |
| فى الموضوع السابق  أشعار الثورة الشاعر عماد محمد سالم الجزء 1) كتبت القصيدة دى : 1- أشعار الثورة الشاعر عماد محمد سالم
الدستور لازم يتغير
الشاعر عماد محمد سالم
كل الشهدا ف التحرير
عاوزين للدستور تغيير
ولا تعديله ولا يا عديله
...التعديل دا ظلم كبير
الدستور لازم يتغير
قالها كل كبير وصغير
واللى يجنن واللى يحير
ان كلامهم كله اتغيير
بعد ما وافقو ع التغيير
قالو نعدل بركة وخير
رقع بقع من دا علادى
احنا ف وادى وهمه ف وادى
دم الشهدا صاحى ينادى
ثورة ثورة للتغيير
لما تخونو دم الشهدا
بالأسستفتا مش راح نهدى
حاجة تجنن حاجة تحيير
كلنا قولنا كبير وصغير
الاستفتا مش عاوزينه
عاوزين للدستور تغيير
قولتو نرقع بركة وخير
دلوقتى زى ما قلت لكم دى باقى أشعار الثورة للشاعر عماد محمد سالم :
2- أشعار الثورة الشاعر عماد محمد سالم
الثورة المضادة
الشاعر عماد محمد سالم
أستخبو لما ثورنا
قمنا قولنا من غرورنا
أنتصرنا... أنتصرنا
...الدسايس بتحاصرنا
والمعارك هيه هيه
المدافع مداريه
المذاهب والطوايف
قلبى خايف
يضربونا ف قلب بعض
بس شايف
فى عنين وطنى الحبيب
الهلال يحضن صليب
لو تغيب
الموده م القلوب
شمس ثورتنا تغيب
والربيع يصبح لهيب
برضو شايف
ان همه
همه ..همه
لسه بيقومو بمهمه
وبعزيمه وخوف وهمه
وحش كاسر يلتهمنا
والمعارك لسه جيه
التعالب لسه حيه
أصحو ..أصحو
أصحو
ف اديكم مصيرنا
الدسايس بتحاصرنا
لما قولنا من غرورنا
انتصرنا انتصارنا
واحنا لسه ف البدايه
3- شباب مصرينظفون شوارعها بحب لشعورهم ان مصر أصبحت ملكا لهم
جريدة اليوم السابع
الشاعر عماد محمد سالم
الشعوب تكتب مصيرها
مين هزمها ومين ناصرها
...مين بينتج ف المصانع
مين بيكنس ف الشوارع
غير ولادها دول عبيرها
دول عيدان القمح الاخضر
دول عنين الشمس تخطر
لما ظلم الليل حاصرها
الشعوب كتبت مصيرها
4- أشعار الثورة الشاعر عماد محمد سالم
خالد سعيد يضحك
الشاعر عماد محمد سالم
أضحك خلى الضحكة أدانك
أصحى وصحى كل أخوانك
أفرح جوه ربوع الجنة
...قامت ثورة مصر عشانك
قول لآخوانك
جوه السجن زرعنا العدلى
يزحف زى جراد الأرض
هو وكل كلاب السلطة
حق علينا واجب فرض
حلى مرارك خدنا بتارك
م اللى انتهكو المال والعرض
أضحك أضحك
نشف دمعك
أصبح كل العالم سامعك
أسمك ناصع زى الورد
عيش ف ربيعك بعد البرد
كل الشعب المصرى أتحرر
والعدلى نايم ع الأرض
5- أشعار الثورة الشاعر عماد محمد سالم
أعدام الملفات والتخلص من الأوراق والمستندات بعد اقتحام امن الدوله
الورق
الشاعر عماد محمد سالم
دخل الهوا
خاف الورق
......طار ف الهوا
اسرار كتيرخافت تبان
حقيقة تايهة من زمان
فارس نبيل من غير حصان
عمره ما يهرب م الميدان
لو حتى بالنار اتكوا
اطفال شارعنا اتجمعوا
يلمو الورق
مكتوب عليه اللي هرب
واللي سرق
واللي بدد عهدته
ومخزنه فجأه اتحرق
اللى تعب
واللي شقي
ملقاش ايدين تمسح عرق
واللي بالمر ارتوا
دخل الهوا
خاف الورق
طار ف الهوا
العطش مالي البحور
والقمر رافض يدور
كنت عادل ليه تجور
ع الفقير اللي اتكوا
دخل الهوا خاف الورق
طار ف الهوا
الورق فيه الحقيقه
فيه عنين طاهره وبريئه
و خلق خوافه وجريئه
وكل شيخ وله طريقه
وكل داء وله دوا
دخل الهوا
خاف الورق
طار ف الهوا
6- أشعار الثورة الشاعر عماد محمد سالم
رسالة الى رئيس الوزراء د /عصام شرف
الشاعر عماد محمد سالم
بعد السلام
من قبل يوم الأعتصام
وانت واقف وسطنا
...بحلم يشبه حلمنا
راجل تمام
لكنى تفسى أنصحك
من غير ما ازود ف الكلام
دكتور عصام
لما الفقير يعيش ذليل
يبقى الغنا أكبر حرام
دكتور عصام
لما البطاله تنتشربين البشر
اكبر معانى الأنهزام
دكتور عصام
دم الشهيد اللى بينزف ف الميدان
صوت الكنايس كلها
وكل تكبيره ف أدان
بتنادى حى على الصلاح
على الكفاح
على الزراعة والصناعة والأمل
على العمل
على العيون اللى بتسهر على الوطن
تحمى وتحفظ ف السلام
دكتور عصام
صفحه كبيرة ف التاريخ
مفتوحه ليك
وأدينا ممدوده لأديك
بالأتحاد
وبالجهاد
نقدر نحقق حلمنا مش بالكلام
دكتور عصام
رسايل من ميدان التحرير
7- أشعار الثورة الشاعر عماد محمد سالم
يا عليا
الشاعر عماد محمد سالم
يا عليا
الشموس نازله الشوارع
تهزم الضلمه العفيه
...تجمع الحلم الي ضايع
تضرب الضربه اللي هيه
يا عليا
يا صبيه
لسه شابه و عجزوكي
و قلعوكي ف ليل بيشتي
و عذبونا و عذبوكي
كلنا ابنك و بنتك
كلنا صاحبك و أخوكي
يا عليا
أعلي من عرش الملوك
أعلي من صوت الصراخ
من بكا مديون بدينه
ع المصارف لف داخ
جوعونا و جوعوكي
باعوا سكرنا بمررنا
كفنونا بانتصرنا
و العدو بقي اسمه جارنا
باعوا غازك شردوكي
فلسووووووووكي
لسه شابه و عجزووووووووووكي
كنتي عاليه و نزلوكي
يا عليا
الشموس نازله الشوارع
تهزم الضلمه العفيه
تجمع الحلم الي ضايع
تضرب الضربه اللي هيه
8- أشعار الثورة الشاعر عماد محمد سالم
ثورة ليبيا
الشاعر عماد محمد سالم
طلعوا الثوار زى النوار
قاموا الأحرار غنوا معانا
الأيد ف الأيد والعزم شديد
...والشمس بتشرق جوانا
العين بالعين
ح تروح على فين
ويا ياليبين ليبيا أمانة
مابقتش بخاف
من صوت الفجر اما يشقشق
والشمس بتضحك وتبرق
والحزن يخيم ع الضحكة
ويخطفها ولا حدش شاف
مابقتش بخاف
من قطر مسافر ولوحدى
وانا حاطط أيدى على قلبى
والغربة بتاخد وتودى
وبتطول زى الصفصاف
يا شعوب زهقانة وغرقانة
الجنة مفتاحها معانا
الثورة بتشرق جوانا
من ليبيا بلد الأشراف
9- أشعار الثورة الشاعر عماد محمد سالم
اصحى يا استاذ
الشاعر عماد محمد سالم
من غير حوادييت
فيه كلام يتعاز
من قبل ماحتى يبيعو الغاز
...والشر اشتر
وبطالة وقر
وسنين تتجر
على لمبة جاز
ماتقولش جواز
وشوار وجهاز
ولا قمحة ف غيط
ما تكونش عبيط
وتحط وابور
جنب البوتجاز
من غير حوادييت
فيه كلام يتعاز
لم التعابيين
محناش لاعبيين
خالد وسعيد
لنروح ف حديد
محناش فاهميين
الدور على مين
لعبوا الاتنين
ولا واحد فاز
اصحى يا استاذ
المقدس فين
وسودان سودانيين
ونجبلوا منين
مشروع الباز
اصحى يا استاذ
10- أشعار الثورة الشاعر عماد محمد سالم
الحب فى ميدان التحرير
الشاعر عماد محمد سالم
كنتى جنبى ف المظاهره
كنتى زهره
عطر فايح ف المكان
...الرصاص عمال يمطر
بس جنبك
جنب قلبك
قلبى حاسس بالأمان
قولت أبعت ليكى نظرة
فيها شوقى وطبطبه
فيها الحنان
تاخدى عمرى لو توافقى
أبقى ليكى ع الزمان
تبقى ليله
من ليالى الفرح كله
والفرح جوه الميدان
11- أشعار الثورة الشاعر عماد محمد سالم
رسايل من ميدان التحرير
الشاعر عماد محمد سالم 28يناير
تانى رسالة م الميدان
أتظاهرنا
فأتحاصرنا
...واتضربنا واتكوينا
بالقنابل بالمدافع
مين يواجه مين يدافع
البهايم بالجمال
مين يجاوب ع السؤال
واحنا عزل
بس اقوى م الجبال
ظلم طارح م انت زارعه
من زمان وانت تراعيه
وحش كاسر مين يصارعه
مين هايقدر يوم عليه
بس ايه
أديناهم علقة سخنة
دم ينزف ف المكان
اديناهم كل خوفنا
قاموا هربوا م الميدان
وأستخبوا جوه خوفهم
همه فين فيه حد شافهم
والأوامر م الجبان
هو يرحل أحنا نمشى
هويفضل
احنا قاعدين ف الميدان
الشاعر عماد محمد سالم
رسالة (2) من ميدان التحرير
12- أشعار الثورة الشاعر عماد محمد سالم
طوق نجاه
عماد محمد سالم
حبيبتى
جبتى قسوة قلبك الطيب منين
كل الولاد
... سابو البلاد
متغربين
الشمس هربت م السما ف عز النهار
والأرض بدل القمح
طرحت مخبرين
العنكبوت فوق الهرم
ناسج خيوط
واليأس فوق نخل البلح
طارح بيوت
والسوس بينخر ف الأمل
حالف يفوت
لو كنت صوت
ادينى فرصة للسمع
كل القصايد تتسمع
تطرح امل للمجتمع
يا طوق نجاه شد الأدين
لحسن بموت
النمل فات سكن الجحور
عدى البحور
سكن البيوت
والنور هرب
عطشان شرب
من ضلمة بتحب السكوت
يا طريق طويل
غرقان يا نيل
ومفيش شطوط
ولا حد يسمع كلمتى
ولا لاقى صوت
والخوف بشر
زى المطر
يملى المكان
الخوف سرح
والشوك طرح
ف البرلمان
حضنك جليد
سبتى العبيد
سنو السنان
مدى الأدين
ادخل منين
قافله البيبان
الحلم ضاع
سبتى الشراع
ف ادين كاهان
ياحبيبتى
جبتى قسوة قلبك الطيب منين
كل الولاد سابو البلاد متغربين
الشمس هربت م السما ف عز النهار
والأرض بدل القمح طرحت مخبرين
ياحبيبتى
13- أشعار الثورة الشاعر عماد محمد سالم
الشاعر عماد محمد سالم
واشتاقلك
...
الاقى الشوق جبل فضه
...
وتبكى عنيكى اتوضا
عريس راكب على حصانى
ونفسى تكونى عنوانى
تقولى دا الزمان عدى
واشتاقلك
وحيد من وانا صغير
وحاسس ان انا صغير
قفلت الباب على نفسى
وكافى خير على خيرى
ولا بأذى بشر غيرى
واقول ايام وهاتعدى
وبكرة ايامى تتغير
وليه انتى اللى شيفانى
تملى كبير
وسر خطير
عجوذ شايل غنا واساطير
وسنى كبير
وانا صغير
وعارف ان انا صغير
وشيفانى تملى كبير
14- أشعار الثورة الشاعر عماد محمد سالم
يا عليا
الشاعر عماد محمد سالم
يا عليا
الشموس نازله الشوارع
تهزم الضلمه العفيه
...تجمع الحلم الي ضايع
تضرب الضربه اللي هيه
يا عليا
يا صبيه
لسه شابه و عجزوكي
و قلعوكي ف ليل بيشتي
و عذبونا و عذبوكي
كلنا ابنك و بنتك
كلنا صاحبك و أخوكي
يا عليا
أعلي من عرش الملوك
أعلي من صوت الصراخ
من بكا مديون بدينه
ع المصارف لف داخ
جوعونا و جوعوكي
باعوا سكرنا بمررنا
كفنونا بانتصرنا
و العدو بقي اسمه جارنا
باعوا غازك شردوكي
فلسووووووووكي
لسه شابه و عجزووووووووووكي
كنتي عاليه و نزلوكي
يا عليا
الشموس نازله الشوارع
تهزم الضلمه العفيه
تجمع الحلم الي ضايع
تضرب الضربه اللي هيه
15- أشعار الثورة الشاعر عماد محمد سالم
شاعر فقير
الشاعر عماد محمد سالم
شاعر فقير
بكتب واغنى للبشر
احلام بتسكن ف الورق
...بكتب كتير
الفين قصيدة ف الوطن
غير اللى ضاع
واللى اتحرق
بدخل سبق ويا الحمام
يطير اطير
لكنه عمره فى يوم
ما يسبق خطوتى
لو يوم سبق
تلقينى ازعل موت واغير
واجرى وراه
واجيبه لو حتى اختبئ
واقوله ليه
مابتعترفش انى الكبير
يقول خلاص
اللى سبق كان النبأ
والاقى نفسى بقيت اخير
واقوله ليه اخرتنى
مع انى اطيب من خلق
| |
|
