✖✖ الحزب الوطنى والاخوان بيقولوا نعم واحنا مش معاهم ✖✖

هل لان مصرلم يحدث فيها ثوره(كما يقول مرتضى منصور) و بالتالى نسمع كلام بابا حسنى زى ماقال فى الاول
ونعمل ترقيعات فقط ؟؟؟

ولا زى ما بيقول الحزب الواطى والاخوان دلوقتى ان مصر فى عنق زجاجه و لازم انقاذ مصر من النفق المظلم ويالا بسرعه مش فاضين لثوره و لا غيره
والدستور الجديد انشاء الله بعد مااحنا ندخل مجلس الشعب واحنا اللى نعمله لكم؟؟

وممكن لو قلنا لا - الجيش يمسك في الحكم زى ما بيقول الاخوان / مع ان ببساطه من اول يوم الجيش قال مدنيه مدنيه !!!0

هــــــــــــــــــل نحن بهذه السذاجة
لكى نوافق على دستور يعطى سلطات فرعونيه للرئيس

هــــــــــــــــــل نحن بهذه السذاجة
لنثق برئيس سيتخلى عن صلاحيته حتى لو كان ملاك

هــــــــــــــــــل نحن بهذه السذاجة
لنوافق على ترقيعات- اصلآ- لاتلزم الرئيس القادم ومجلس الشعب بدستور جديد

!!كما لو كان مصر اول دوله فى التاريخ تقوم بثوره
وعلى فكره
فى بلاد قبلنا عملوا ثورات زى فرنسا مثلا لم ترقع دستور قديم وعملت دستور جديد يعبر عن ثورتها
و على فكره تونس هتعمل كدة

1- جمعيه تأسيسيه تنتخب من الشعب و لن تختلف كثيرا فى اجرائات هذا الاستفتاء

2-تقوم بوضع الدستور خلال الستة اشهر القادمه

3-والجيش ما دام مش عايز يستمر -فيه اختراع جديد اسمه مجلس رئاسى

والناس اللى بتتفرج على افلام اجنبى كتير وعايزه تقول نعم على االترقيعات الدستوريه
مفكرين ان مجلس الشعب والرئيس القادم(بسلطاته الفرعونيه)حيعمللونا دستور محترم
اقولهم بلاش تغرقونا زى ما غرقتونا طوال التلاتين سنه
وتعودتم على قول نعم على اى شى بدون اى تفكير

» ((بكل بساط الحزب الواطى حيقول نعم للتعديلات الدستور ية يبقى أنت حتقول إيه ؟))